وحنينه وقريبة ... ورقيقة زي الغُرَيّبْـه و "الكحك" .. بتطمن القلب الـِ شارد وبضحكة تملى الدنيا ضحك ...
حضنها بيحيي القلوب الميتة ... كل القلوب خافت تداوي جرحها ,, يأسوا الأطبة منها ... تشخيص : ( مصيبة في قلبها ) بس الحقيقة كلها هي انها دابت في قلب دمه "بارد" .
***
لمّا سبتني لوحدي ,, يادوب بتعلم أعدي السكة على مهلي ...
فاتت شهور , بيحسبها قلبي بالسنين
رغم ان كأنك باعد عني امبارح ,
في حسبة الذكرى الـِ جّرالي الحنين
سايبني ام صغيرة
انا قولت فترة قصيرة
وتعدي ...
مجاش في بالي ان الفراق
بعد العهود دي كلها مسموح
سايب وراك كوم "حُب"
بنتين وولد
فيه بنت منهم قلبها مجروح
مكسور ...
... مدبوح !!
سايب وراك "أنا"
مستصعبة الدنيا بعديك
بس الألام متسكنة
لعيون ولادنا
"حلم"و "أمل"
اللي اشتكوا مـ البوح
ولا انت سامع الندا
ولا سيبت باب مفتوح
عايز تبيع يعني كدا !!
طب " روح " :(
ليست هناك تعليقات:
إرسال تعليق