26‏/08‏/2013

متخلوهاش تحكي

الكل جاي يشكي
قلب الجميلة كبير
على قد ما بيقدر عن قلبهم بيشيل
بلاش تقول ان اللي شوفته كتير
بلاش تحسسها ان وجعها قليل
عشان متعرفشي 
انت دي شافت ايه
علشان متقدرشي
تعيش ال عاشت فيه

واهي ساكته
ورابطة ع الجراح عُقدين
في واحد لونه لون القسوة بينسي
وواحد لما تيجي تحن , يقول اقسي
بلاش تقوليلها مجروحة
فتحكيلك على جراحها
عشان تبقي انتي مرتاحة
عشان هتلاقي قدامك عيون مقتولة مدبوحة
فهتحسي براحة بال وترضي تعيشي مجروحة


الكل جاي يشكي
قلب الجميلة كبير
على قد ما بيقدر عن قلبهم بيشيل
لما يقولولها جراح
 نص حكاية تقول
نص القلوب ترتاح
وسط الحكاية تبكي
اخر الحكاية تموت
فمتخلوهاش تحكي
خلوا الوجع ده يفوت





ليست هناك تعليقات:

إرسال تعليق